Landakort "Islandia" upprunalegt (1595-1613), Gerardus Mercator (1512–1594)

Þetta tiltekna kort er eitt merkasta
og frægasta Íslandskort sögunnar. Um er að ræða handteiknaða útgáfu af Mercator landakorti af Íslandi. Við leituðum til Skjalasafns Íslands til að staðfesta uppruna þessa korts og var okkur bent á Hilmar í Morkinskinnu. Hann hefur staðfest að þetta kort sé upprunaleg útgáfa og verðmatið sem sett er á þetta kort.

Þótt Mercator hafi teiknað það upphaflega árið 1595, byggir það alfarið á landfræðigögnum Guðbrands Þorlákssonar, biskups á Hólum. Kortið sýnir Ísland með mun nákvæmari hætti en eldri evrópsk kort gerðu. Það einkennist af skrautlegum nafnaborða (cartouche), sirkli neðst til vinstri og stóru sæskrímsli í hafinu norðvestur af landinu. Textinn á bakhliðinni er á frönsku, sem staðfestir að þetta tiltekna eintak var teiknað í Amsterdam, líklega árið 1613, fyrir frönsku útgáfuna af hinu heimsfræga Mercator-Hondius landabréfasafni. Kortið er því um 413 ára gamalt.

Þetta kort var gjöf til Árna Siemsen sem var landsþekktur íslenskur kaupmaður og einn mikilvægasti diplómat Íslands í Þýskalandi á 20. öld. Hann bjó og starfaði í Hamborg og Lübeck og gætti hagsmuna Íslands á erfiðum tímum, jafnt fyrir og eftir síðari heimsstyrjöldina. Gjöfin var honum afhent árið 1963 eða tæpu ári áður en hann lést og fylgdi það honum aftur heim til Íslands.

Lengd: 59 cm

Hæð: 45.8 cm

Þykkt: 1 cm